Abaturage bo mu Karere ka Ruhango , barashinja Munyakazi SADATI ko yabaguriye inka zigapfa

Leta y’ubumwe  ifite gahunda  yo koroza  buri munyarwanda ,inka nziza zitanga umukamo.Ni muri urwo rwego mu Karere ka Ruhango mu cyahoze ari komini Ntongwe  hashyizweho uburyo bwo kwegereza  abaturage inka z’inzungu zitanga umukamo.Inka zatanzwe  ngo zari izo  ubwoko bwa firizoni ( frizien), Jersey na Cross.

Bamwe mu bazihawe batangaza ko , uwari wahawe isoko Munayakazi Sadati,bamushinja kubapfunyikira amazi y’ibisusa.                                                           Munyakazi Sadate ( Ph/net)

Umwe mu bazihawe ati:”Twumva ko Munyakazi yahawe kiriya kiraka na bamwe mu bavugaga rikijyana mu Karere ka Ruhango .Icyo gihe ngo byaba nibura byarahawe  umugisha na Ndayisaba Figele wari guverineri w’Intara y’Amajyepfo, Celestin Twagirimukiza wari meya wa Ruhango   na Nyunyabagisha Valens wari senateri, uvuka muri ako Karere.”

Bwana Hitimana Francois, ukomoka mu Mudugudu wa Murambi, Akagari ka Burema,  Umurenge wa Kinazi akaba yari ahagarariye bamwe mu bazihawe,  akaba asaba Akarere ka Ruhango kubashumbusha  izindi kuko izo bari bahawe zimwe zapfuye,  izindi zikaba zitaratanze umusaruro nkuko bari babibijeje.

Bwana Hitimana Francois ati:”Ziriya nka zaraduhombeye cyane zaduteje igihombo gikomeye kuko twazifashe ku ideni rya Banki y’Abaturage.”

Urutonde rw’abazihawe

Bariya twavuze hejuru ntidushyireho amafaranga batanze , ntituramenya umubare nyawo .Si aba gusa, kuko hari n’abandi batanze amafaranga yabo , bahabwa inka zigapfa.Andi makuru tuzayabagezaho ubutaha.

Umwe mu batanze inka, yatubwiye ko , bo icyo bakoze kwari gushyikiriza inka benezo nkuko byari mu masezerano.Kuba zimwe zarapfuye ngo ntibabibazwa kuko batari gukurikirana imibereho yazo ya buri munsi, ijyanye no kuzigaburira cyangwa kuziha imiti.

Ati:”Zishoboke kuba zarapfuye bitewe na climat cyangwa ubundi buryo bazifashemo.”

 Nyirubutagatifu Vedaste

 2,605 total views,  2 views today