Imitwe y’inyeshyamba muri Congo iracyakoresha abana mu ntambara
Intara za Kivu ya ruguru n’iy’epfo za DR Congo ni kamwe mu duce tubarirwamo imitwe y’inyeshyamba myinshi ku isi nka; Nduma défense du Congo-Rénové (NDC-R) y’abanyecongo ubwabo.
Hari kandi Mai-Mai nka; Mai Mai Mazembe, Mai Mai Nyatura, Mai Mai Kirikicho, Mai Mai Kifuafua, Mai Mai Charles, Raia Mutomboki, APCLS na Collectif des mouvements pour le changement (CMC) y’abanyecongo, ivuga ko irwanya NDC-R. Muri Kivu ya ruguru imitwe izwi cyane ihakorera ni Allied Democratic Forces (ADF) ivuga ko irwanya leta ya Uganda, ikorera cyane muri karere ka Beni.
Hari kandi umutwe wa FDLR urwanya leta y’u Rwanda ukorera mu bice bya Rutshuru na Masisi.
Kuva mu kwezi kwa 11 umwaka ushize wa 2019 izi nyeshyamba zimaze kwica abaturage 320 muri Beni nk’uko bivugwa na CEPADHO umuryango utegamiye kuri leta uhakorera.
Izi ntara za Kivu zombi zibarirwamo imitwe y’inyeshyamba irenga 50 yitwaje intwaro nk’uko bivugwa n’umuryango w’abibumbye.
Imwe muri iyi mitwe hari imaze muri aka gace imyaka irenga 20, yica abaturage, isahura, ifata abagore ku ngufu, isoresha imisoro, ishimuta abantu n’ibindi.
1,147 total views, 1 views today
