Umuryango FPR wegukanye arenze 62% mu matora y’abadepite , mu gihe andi mashyaka nka PSD, PL, Green party n’Imberakuri ziza hasi ya 10%
Akanama k’amatora mu Rwanda katangaje ibyavuye mu matora y’ibanze y’abadepite , bigaragaza ko ishyaka FPR-Inkotanyi n’andi mashyaka atanu, bafatanyije nka PDC, PPC, PSR, PSP na UDPR. baje imbere n’amajwi 62,6%.Abo badepite bazegukana intebe 53 kuri 80 ziteganyijwe mu Nteko .
Ishyaka PL ni ryo ryaje ku mwanya wa kabiri muri ibi byatangajwe by’ibanze, rigira amajwi 10.9%, naho ishyaka PSD riza ku mwanya wa gatatu n’amajwi 9.4%.
Ku mwanya wa kane, ishyaka PDI ryagize amajwi 5.8%, rikurikirwa na Democratic Green Party n’amajwi 5.3%, naho ishyaka PS Imberakuri – uruhande rwaryo rwemewe n’ubutegetsi – ryabonye amajwi 5.2%.
Janvier Nsengiyumva, umukandida umwe wiyamamaje ku giti cye ku mwanya wa depite, ni we wa nyuma na 0.5%.
Uyu mwaka, Abanyarwanda barenga miliyoni icyenda nibo bari ku rutonde rw’abatora. Uyu mubare wariyongereye cyane ugereranije n’amatora yo mu 2017. Mu byukuri, umubare w’abatoye wiyongereyeho hafi 2.300.000. Iri zamuka ryatewe n’umubare munini w’urubyiruko rwinshi rwatoye bwa mbere.
Muri Gashyantare 2023, ubwo Ikigo cy’Igihugu gishinzwe Ibarurishamibare (NISR) cyavugaga ibyavuye mu ibarura ruange ryakozwe mu mwaka wa 2022 cyavuze ko, Abanyarwanda bangana na 13 246 394 bavuye kuri miliyoni 10,5 batanzwe n’ibarura ryakozwe muri 2012.
Ikigo cy’Igihugu gishinzwe Ibarurishamibare (NISR) kivuga ko umubare w’Abanyarwanda wiyongereyeho miliyoni 2,7 mu myaka icumi ishize, aho igitsinagore ari bo benshi ugeraranyije n’igitsinagabo.
Uwitonze Captone
2,666 total views, 1 views today